舊年暑假，返咗香港玩。再對上一次返香港，相隔咗足足兩年。呢兩年發生咗咩事，大家心照。
當時碰巧疫症高峰期，但依然有好多舊同學同朋友相約。大家不約而同會講幾樣嘢：
幾時走
點樣走
走去邊
早幾年嘅時候，好多人會講去英美澳加；但呢一兩年，多咗人（有興趣）去歐洲。我有好幾個大學同學去咗德國。嚟荷蘭做嘢同讀書嘅人都大有人在。亦都有人會去西班牙、葡萄牙等地。
連萍水相逢嘅點頭之交都會走來問我，喂你當初點去荷蘭㗎？去歐洲有咩方法啊？我要儲幾多錢先至可以去啊？
後來我發覺呢啲資訊喺網上比較少，索性開個page，寫多啲資訊俾大家。寫下寫下，咁就一年。
見到讀者覺得啲資訊有幫助，其實真係好開心！承蒙讀者厚愛，有人話我係荷蘭香港人嘅始祖😅。老老實實，你咁講我真係情何以堪，比我早嚟到荷蘭嘅人真係好多，Facebook上面亦都有幾個香港人嘅群組。只不過我太得閒，寫多幾隻字咁解啫。
希望未來嘅日子可以繼續進有用嘅資訊帶俾大家。覺得幫到你的話得閒請我飲杯珍珠奶茶，養肥下我，咁就OK 㗎啦😉
#唔準笑我肥
#鄰居隻貓
#貓奴日常
#荷蘭
#荷蘭生活
#歐洲
#歐洲生活
#海外職場
#海外求職
#香港人在歐洲
#香港人在荷蘭
#香港女孩
Search